काठमाडौँ । नेपालले तेस्रो विकेट गुमाएको छ । कप्तान रोहित पौडेल ५ रन बनाएर आउट भएका छन् । पौडेललाई रविन्द्र जडेजाले आउट गरेका हुन् ।
नेपालले २० ओभरमा ३ विकेट गुमाएर ९३ रन बनाएको छ ।
भारतका जडेजाले २ र शार्दुल ठाकुरले एक विकेट लिएका छन् । यसअघि भीम सार्की ७ र कुशल भुर्तेल ३८ रन बनाएर आउट भए । नेपालले पहिलो विकेटका लागि ६५ रनको साझेदारी गरेको थियो ।
अहिले आसिफ सेख ३६ रन बनाएर खेलिरहेका छन् भने उनलाई साथ दिन कुशल मल्ल क्रिजमा आएका छन् ।
