काठमाडौं । निरन्तर संसद बैठक अवरुद्ध गर्दै आएको नेकपा एमालेले आजको बैठक समेत अवरुद्ध गर्ने संकेत गरेको छ ।
संसदको बजेट अधिवेशनका सबै बैठक र चालू अधिवेशनका समेत सबै बैठक अवरुद्ध गर्दै आएको नेकपा एमालेले आजको बैठक समेत अवरुद्ध गर्ने बताएको हो । एमालेले सभामुखले बोलाएको कार्यव्यवस्था समितिको बैठकमा समेत नजाने बताएको छ । सभामुख अग्नि सापकोटाले आज बिहान १० बजेका लागि समितिको बैठक बोलाएका छन् ।
सरकारमा रहँदा एमसीसी पारित गर्नुपर्ने बताउँदै आएको एमाले सरकारबाट बाहिरिएपछि एमसीसीका बारेमा धारणा सार्वजनिक गरेको छैन । सरकारले एमसीसी सम्झौता संसदमा टेवल गर्ने तयारी गरेपनि एमालेले भने संसदको अवरोध हटाउने संकेत गरेको छैन ।
