काठमाडौं । नेकपा एकिकृत समाजवादीले स्वास्थ्य तथा जनसंख्या मन्त्रालयसहित ४ मन्त्रालय पाउने भएको छ ।
प्रचार विभाग प्रमुख जगन्नाथ खतिवडाले गठबन्धन सरकारमा आफूहरुले स्वास्थ्यसहित चारवटा मात्र मन्त्रालय पाउने जानकारी दिएका हुन् । आज बसेको स्थायी कमिटी बैठकपछि पत्रकारसँग कुरा गर्दै सरकारमा सहभागी हुने मन्त्रीको टुङ्गो भोलि बस्ने केन्द्रीय सचिवालय बैठकले गर्ने जानकारी दिए ।
नेकपा एीककृत समाजवादीले प्रदेश नम्बर एक र बाग्मती प्रदेशको मुख्यमन्त्री पाउने भएपछि चार मन्त्रालय मात्रै लिने सहमति जुटेको हो । खतिवडाका अनुसार स्वास्थ्य तथा जनसंख्यासँगै सहरी विकास मन्त्रालय, श्रम तथा रोजगार मन्त्रालय र संस्कृति पर्यटन तथा नागरिक उड्डयन मन्त्रालय पाउने भएको हो ।
