काठमाडौं । नेपाली कांग्रेसका सभापति तथा पूर्वप्रधानमन्त्री शेरबहादुर देउवा थप उपचारका लागि गएराति सिंगापुर प्रस्थान गरेका छन् । उनी त्रिभुवन अन्तर्राष्ट्रिय विमानस्थलबाट सोमबार राति पत्नी डा. आरजु राणा देउवासहित ११ बजेको विमानमा सिंगापुर उडेका हुन् ।
देउवा दम्पती गत भदौ २४ गतेको जेनजी आन्दोलनका क्रममा भएको कुटपिटबाट घाइते भएका थिए । घटनापश्चात करिब एक महिना छाउनीस्थित सैनिक अस्पतालमा उपचार गराएका देउवाको घाउ बल्झिएपछि पुनः विदेशमा उपचार गराउनुपरेको हो ।
