जनकपुरधाम । मधेश प्रदेशको मुख्यमन्त्रीमा दोस्रो दाबी पेस भएको छ । मधेशको मुख्यमन्त्रीका लागि नेपाली कांग्रेसका संसदीय दलका नेता कृष्ण प्रसाद यादवले पनि दाबी पेस गरेका हुन् ।
प्रदेश प्रमुखको कार्यालयमा कांग्रेस संसदीय दलका नेता कृष्ण प्रसाद यादवको नेतृत्वमा सरकार बनाउन दाबी दर्ता भएको हो । प्रदेश प्रमुख कार्यालयका अनुसार कांग्रेस, नेकपा एमाले र जनमत पार्टीका ५७ जना सांसदको समर्थन रहेको छ । दुवै दाबिमा जनमतको समर्थन रहेको उल्लेख रहेपछि अब प्रदेश प्रमुखले आधिकारीक पुष्टि गर्नुपर्ने अवस्था देखिएको छ ।
प्रदेश प्रमुखको कार्यालयले आज दिउँसो ४ बजेसम्म दाबी पेस गर्न समय दिएको छ । कांग्रेस र एमाले बाहेकका दलले नयाँ गठबन्धन बनाएर लोसपाका जितेन्द्र सोनाललाई मुख्यमन्त्री बनाउने दाबि पेश गरेका थिए ।
