काठमाडौं ।नेकपा (एकीकृत समाजवादी) ले वामदेव गौतमलाई पार्टीको सबै केन्द्रीय विभागहरूको संयोजन गर्ने जिम्मेवारी दिएको छ।
शुक्रबार पार्टी केन्द्रीय कार्यालय आलोकनगरमा सम्पन्न सातौँ सचिवालय बैठकले गौतमलाई अध्यक्ष माधवकुमार नेपाल र सम्मानित नेता झलनाथ खनालपछिको वरियतामा राख्दै यो जिम्मेवारी सुम्पिएको हो। उपाध्यक्ष तथा प्रचार विभाग प्रमुख प्रकाश ज्वालाका अनुसार अध्यक्ष नेपालले गौतमलाई सपथग्रहण गराएका छन्।
राष्ट्रिय एकता अभियानबाट साउन २ गते पार्टीमा प्रवेश गरेका नेताहरूमध्ये डिबी कार्की, तुलसी थापा र लोकनाथ धमलालाई पोलिट्ब्यूरो सदस्य बनाइएको छ।
त्यस्तै, भगवती विष्ट, दुर्गादत्त भण्डारी, राधेश्याम गुप्ता, इमानसिंह भारती, रवीन्द्र वम, तोफा यादव, विद्याप्रसाद शर्मा, रामप्रसाद अधिकारी र मोहमदशेर बागवानलाई केन्द्रीय सदस्यको जिम्मेवारी दिइएको छ।
