काठमाडौँ ।हेटौँडामा ग्याँस बुलेटले कारलाई ठक्कर दिँदा तीनजना घाइते भएका छन् । घाइतेहरुको हेटौँडास्थित सन्चो अस्पतालमा उपचार भइरहेको छ।
शुक्रवार बिहान हेटौँडा उपमहानगरपालिका- ९ नमूना मास्टर चोकस्थित पुर्व-पश्चिम सडकखण्डमा पथलैयाबाट हेटौँडातर्फ आउँदै गरेको एनएल ओ १ एल २९७१ नम्बरको भारतिय एलपी ग्याँस बुलेटले ग ३च ८४४९ नम्बरको कारलाई ठक्कर दिएको हो ।
ग्याँस बुलेटको ठक्करबाट कारका चालक स्याङ्जा जिल्लाको अरुणचौपाही नगरपालिका वडा नम्बर १ बस्ने ३३ वर्षीय चुडाबहादुर बिष्ट, कारमा सवार कास्कीको पोखरा महानगरपालिका ११ का ६३ वर्षीय पुरण श्रेष्ठ र लम्जुङको बेसीसहर नगरपालिका ८ की१७ वर्षीया नेहा राना मगर घाइते भएका छन् ।
मकवानपुर प्रहरी प्रवक्ता डिएसपी लक्ष्मी भण्डारीका अनुसार कारमा रहेका अन्यको अवस्था सामान्य छ। पोखराबाट नर्सिङ भर्नाको परीक्षा दिन वीरगन्ज र जनकपुरका लागि हिँडेका उनीहरु दुर्घटनामा परेका हुन् ।
दुर्घटनामा परेका दुबै सवारीसाधन प्रहरी नियन्त्रणमा रहेको र दुर्घटनापछि फरार रहेका एलपी ग्याँस बुलेटका चालकको खोजी भइरहेको डिएसपी भण्डारीले जानकारी दिए।
