काठमाडौं । चलचित्र निर्देशक तथा कलाकार सुदर्शन थापा पक्राउ परेका छन् ।
काठमाडौंको कमलपोखरी क्षेत्रबाट सोमबार थापालाई पक्राउ गरिएको प्रहरीले जनाएको छ ।
आपराधिक विश्वासघात गरेको आरोपमा निर्माता सुदर्शन बस्नेतले थापाविरुद्ध प्रहरीमा जाहेरी दिएका थिए ।
आफूहरूको मन्जुरीबिना चलचित्र ‘प्रसाद–२’ लाई प्रदर्शन गरेर डेढ करोड रुपैयाँ ठगी गरेको निर्माता बस्नेतको आरोप छ । थापा ‘प्रसाद–२’ का निर्देशक हुन् ।
