काठमाडौँ । पाकिस्तानले इरानविरुद्ध जवाफी कारवाही गरेको छ । पाकिस्तानले गएराती इरानको सरावन क्षेत्रमा रहेको पृथकतावादी संगठनका ७ वटा अड्डामा आक्रमण गरेको मिडिया रिपोर्टमा उल्लेख गरिएको छ ।
पाकिस्तानको विदेशमन्त्रालयले एक विज्ञप्ति जारी गर्दै इरानको सरावन क्षेत्रमा रहेको पृथकतावादी संगठनका अड्डामा आक्रमण गरेको स्पष्ट गरको छ । पाकिस्तानले इरानको सीमामा ४०-५० किलोमिटर भित्र पसेर आक्रमण गरेको हो ।
मंगलबार राति पाकिस्तानको बलुचिस्तानमा इरानले मिसाइल र ड्रोन हमला गरेपछि दुई देशबीचको द्वन्द्व चर्किएको थियो ।
इरानको आक्रमणपछि पाकिस्तानले बुधबार तेहरानबाट आफ्ना राजदूतलाई फिर्ता बोलाएको छ भने इरानका राजदूतलाई देश छोड्न आदेश दिएको छ ।
