काठमाडौँ । स्पेनिस ला लिगा अन्तर्गत बार्सिलोनाले ओसासुनालाई पराजित गरेको छ । गएराती सम्पन्न खेलमा बार्सिलोनाले ओसासुनालाई २-१ गोल अन्तरले पराजित गरेको हो ।
बार्सिलोनाको जितमा जुलेस कोउन्डे र रोबेर्ट लेवानडोस्कीले एक एक गोल गरेका थिए । त्यस्तै ओसासुनाका लागि एजक्वेल अभिलाले एक गोल गरेका थिए ।
यस खेलमा ओसासुनाका अलेजान्द्रो काटेनाले खेलको ८४औं मिनेटमा रातो कार्ड पाएपछि ओसासुना १० खेलाडीमा सिमित भएको थियो ।
यस सिजनमा बार्सिलोनाको यो तेस्रो जित हो । यो जितपछि बार्सिलोनाको ४ खेलमा १० अंक भएको छ र लिगमा तेस्रो स्थानमा रहेको छ ।
त्यसैगरी ओसासुनाको यस सिजनमा यो दोस्रो हार हो । यो हारपछि ओसासुनाको ४ खेलमा ६ अंक भएको छ र लिगमा १०औं स्थानमा रहेको छ ।
