काठमाडौँ । आयोजक अस्ट्रेलिया महिला फुटबल विश्वकपको क्वाटरफाइनलमा पुगेको छ ।
सोमबार राउण्ड १६ को खेलमा डेनमार्कलाई २-० गोल अन्तरले पराजित गर्दै अस्ट्रेलिया विश्वकपको क्वाटरफाइनलमा पुगेको हो ।
अस्ट्रेलियाको जितमा हेले रासो र कैटलिन फोर्डले एक एक गोल गरेका थिए ।
यो हारसँगै डेनमार्कको विश्वकप यात्रा भने समाप्त भएको छ । अब अस्ट्रेलियाले क्वाटरफाइनलमा फ्रान्स र मोरक्कोबीचको विजेतासँग खेल्ने छ ।
