काठमाडौँ । अर्जेन्टिनाले मैत्रीपूर्ण खेलमा पानामालाई पराजित गरेको छ ।
शुक्रबार सम्पन्न खेलमा अर्जेन्टिनाले पानामालाई २-० गोल अन्तरले पराजित गरेको हो ।
विश्वकप जितेपछि अर्जेन्टिनाले पहिलो खेल खेलेको हो ।
यस खेलमा थियागो अल्माडा र लियोनेल मेसीले एक एक गोल गरेका थिए । अल्माडाले खेलको ७८औं मिनेट र मेसीले खेलको ८९औँ मिनेटमा गोल गरेका थिए । मेसीले यस खेलमा गोल गरेसँगै उनले क्लब र देश गरि आफ्नो क्यारियरमा ८०० गोल पुरा गरेका छन् ।
अब अर्जेन्टिनाले अर्को खेल मार्च २८ मा कुराकाओसँग खेल्ने तालिका रहेको छ ।
