काठमाडौँ । इन्टर मिलानले इटालियन सुपर कपको उपाधि जितेको छ ।
गएराती सम्पन्न फाइनल खेलमा इन्टर मिलानले एसी मिलानलाई ३-० गोल अन्तरले पराजित गर्दै सुपर कपको उपाधि जितेको हो ।
इन्टर मिलानको जितमा फेडेरिको डिमार्को, एडिन डिजेको र लाउतारो मार्टिनेजले एक एक गोल गरेका थिए ।
यो सहित इन्टर मिलानले अहिलेसम्म सातौं पटक इटालियन सुपर कपको उपाधि जितेको छ । इन्टर मिलानले लगातार दोस्रो पटक सुपर कपको उपाधि जितेको हो ।
अहिलेसम्म युभेन्टसले सबैभन्दा बढी ९ पटक सुपर कपको उपाधि जितेको छ भने एसी मिलानले पनि ७ पटक यो उपाधि जितिसकेको छ ।
