काठमाडौं । निर्वाचन आयोगले प्रतिनिधिसभाका ११० समानुपातिक सांसद निर्वाचित भएको घोषणा गरेको छ ।
आयोगले समानुपातिकबाट निर्वाचित भएका सांसदहरको सूची सार्वजनिक गर्दै निर्वाचित भएको घोषणा गरेको हो । जसअनुसार नेकपा एमालेबाट ३४ समानुपातिक सांसद निर्वाचित भएका छन् ।
नेपाली कांग्रेसबाट ३२, माओवादी केन्द्रबाट १४, राष्ट्रिय स्वतन्त्र पार्टीबाट १३ जना निर्वाचित भएको आयोगले जनाएको छ । राप्रपाबाट ७, जसपा र जनमत पार्टीबाट ५–५ जना समानुपातिक सांसद निर्वाचित भएकोे आयोगले जनाएको छ ।
प्रतिनिधिसभामा कम्तिमा १ सिट प्रत्यक्षमा जितेर ३ प्रतिशतको थ्रेस होल्ड कटाउने ७ दलका ११० जना सांसदको सूची आयोगले सार्वजनिक गरेको हो । बिहिबार प्रत्यक्ष र समानुपातिक निर्वाचन प्रणालीबाट सांसद भएकाहरुको विवरण राष्ट्रपतिलाई बुझाउने आयोगको तयारी छ ।
