तनहुँ । तनहुँको व्यास नगरपालिकाको प्रमुख पदमा नेपाली कांग्रेसका उम्मेदवार वैकुण्ठनाथ न्यौपाने निर्वाचित भएका छन् । गए राति सार्वजनिक अन्तिम मत परिणामानुसार उनले १२ हजार ७८ मत पाएका छन् ।
उनका निकटतम प्रतिस्पर्धी स्वतन्त्र उम्मेदवार दीपकराज जोशीले ११ हजार ८२६ मत पाएको जिल्ला निर्वाचन कार्यालयले जनाएको छ । २५२ मतान्तरले न्यौपाने विजयी भएका हुन् ।
उपप्रमुखमा कांग्रेसकै उम्मेदवार इन्दिरा दरै विजयी भइन् । उनले १३ हजार ४९८ मत ल्याइन् । उनका निकटतम प्रतिस्पर्धी नेकपा (एमाले) की उम्मेदवार वसुन्धरा घर्तीले १० हजार ४२ मत पाइन् ।
