काठमाडौं । वरिष्ठ गायक नवराज घोरासैनीले झण्डै १० वर्षपछि आफूलाई कब्याक गराएका छन् । गायक घोरासैनीले ‘मिर्मिर कपालैमा’ बोलको गीतसहित आफूलाई नेपाली गीत संगीतमा कम्ब्याक गराएका हुन् ।
आफ्नै शब्द, स्वर र संगीतमा गायक घोरासैनीले ‘मिर्मिर कपालैमा’ ल्याएका छन् । ‘मिर्मिर कपालैमा’ बोलको गीतमा गायक घोरासैनीलाई गायिका अञ्जु पन्तले साथ दिएकी छिन् । गीत अत्यन्तै गलितो बनेको गायक घोरासैनीले बताएका छन् ।
‘लामो समयको अन्तरालपछि ‘मिर्मिर कपालैमा’ ल्याएर आएको छु’, उनले भने, ‘गीत संगीतबाट म हराएको छैन भन्ने सन्देश दिन पनि ‘मिर्मिर कपालैमा’ ल्याएको छु ।’ यसअघि गायक घोरासैनीले ०५८ साल साउन महिनामा ‘घुम्तीनेर भेट भयो…’ बोलको गीत ल्याएका थिए ।
त्यस बेला यो गीत सुपरडुपर हिट भएको थियो । गायक घोरासैनीले थुप्रै गीतहरूमा स्वर पनि दिए । तर, गायक घोरासैनीको ‘घुम्तीनेर घेट भयो’लाई अरु गीतले उछिन्न सकेन ।
गायक घोरासैनीले ‘घुम्तीनेर लेट भयो’ बोलको गीतकै मीठासमा ‘मिर्मिर कपालैमा’ गीत ल्याएका छन् । काँठे भाकाको ‘मिर्मिर कपालैमा’लाई गायक घोरासैनीले आफ्नै युट्युब च्यानलबाट रिलिज गरेका छन् । गीतको म्युजिक भिडियोको निर्देशन शिव विकले गरेका छन् ।
एसराज गराच र जेबिका कार्कीले भिडियोमा अभिनय गरेका छन् । गीतको रेकर्डिङ मारुनी डिजिटल्समा गरिएको छ ।
