रौतहट । रौतहटको देबाही गोनाही नगरपालीका ५ टिकुलीयामा गएराति धारिलो हतियार प्रहार गरी एक महिलाको हत्या भएको छ । टिकुलीयाका महेश तिवारी र उनकी श्रीमती जगरनिया देवीमाथि छिमेकी सोनीयालाल मुखीया र उनका छोरा प्रदिप मुखीया मिलेर धारिलो हतियार प्रहार गरेका हुन् ।
टाउकोमा गम्भिर चोट लागेका दुबैलाई उपचारको लागि विरगञ्ज लगिएकामा श्रीमतिको मृत्य भएको प्रहरीले जनाएको छ । श्रीमानको अवस्था गम्भिर छ । पुरानो रिसइबीका कारण छिमेकीले दम्पति माथि आक्रमणा गरेको प्रहरीको भनाइ छ । घटनामा संलग्न रहेको आरोपमा ३ जना पक्राउ परेका छन । घटनाबारे थप अनुसन्धान भैरहेको प्रहरीले जनाएको छ ।
