काठमाडौं । शहिद स्मारक ए डिभिजन लिग फुटबलमा चौथो चरणका खेल अन्तर्गत आज तीन खेल हुदै छ ।
आज साढे २ बजे दुई खेल हुदैछन । जसमा संकटा क्लब र चर्च ब्वाइज युनाइटेड एन्फा क्लबमा खेल्दै छन् भने अर्को खेलमा जावलाखेल युथ क्लब र फ्रेन्ड्स क्लब दशरथ रंगशालामा खेल्दै छन् ।
त्यस्तै तेस्रो खेल साँझ साढे ५ बजे दशरथ रंगशालामा मछिन्द्र क्लब र नेपाल पुलिस क्लबबीच हुदै छ ।
अहिलेसम्म संकटा क्लबले ३ खेलमा एक जित, एक बराबरी र एक हारसहित ४ अंक हासिल गरेको छ भने चर्च ब्वाइज युनाइटेडले शुरुका तीनै खेल जितेर ९ अंक हासिल गरेको छ ।
त्यस्तै जावलाखेल युथ क्लबके ३ खेलमा ७ अंक हासिल गरेको छ भने फ्रेन्ड्स क्लबले भने ३ खेलमा एक अंक हासिल गरेको छ ।
त्यसैगरी मछिन्द्र क्लबले तीन खेलमा एक अंक हासिल गरेको छ भने नेपाल पुलिस क्लबले अहिलेसम्मका तिनै खेलमा हार बेहोरेको छ ।
