काठमाडौं । आइसीसी विश्वकप लिग टू अन्तर्गत अमेरिकाविरुद्धको आजको खेलमा नेपालले पहिलो ब्याटिङ गर्ने भएको छ ।
खेलमा नेपालले टस जितेर पहिला ब्याटिङ रोजेको हो । खेल नेपाली समयअनुसार राती सवा ९ बजे शुरु हुँदैछ ।
ह्युस्टनस्थित मुसा क्रिकेट स्टेडियममा हुने खेलका लागि नेपालले तीन खेलाडी परिवर्तन गरेको छ । विनोद भण्डारी, सुवास खकुरेल र सुनिल धमलाको सट्टामा आसिफ शेख, कुशल भुर्तेल र आदिल अन्सारी टोलीमा परेका छन् ।
पहिलो खेलमा नेपाल ओमानसँग १३ रनले पराजित भएको थियो ।
