काठमाडौं । जारी आइपीएलमा पञ्जाब किंग्सलाई ६ विकेटले हराउँदै राजस्थान रोयल्सले आईपीएलमा सातौँ जित निकालेको छ ।
पञ्जावले दिएको १९० रनको विजयी लक्ष्य राजस्थानले १९ ओभर ४ बलमा ४ विकेट गुमाउँदै पूरा गर्यो ।
यसअघि टस जितेर पहिला ब्याटिङ गरेको पञ्जाब किंग्सले निर्धारित २० ओभरमा ५ विकेट गुमाउँदै १८९ रन बनाएको थियो । जितसँगै राजस्थान ११ खेलबाट १४ अंकसहित तेस्रो स्थानमा छ । पन्जाब ११ खेलबाट १० अंक सहित सातौँ स्थानमा छ ।
