काठमाडौँ । आइसीसी टी-२० विश्वकपको ग्लोबल क्वालिफायरको तेस्रो स्थानको लागि जारी खेलमा आयोजक ओमानले नेपाललाई ८८ रनको लक्ष्य दिएको छ ।
टस जितेर पहिला ब्याटिंग गरेको ओमानले २० ओभरमा ९ विकेट गुमाउदै ८७ रन मात्र बनाएको हो ।
ओमानका लागि कप्तान जिशान मक्सूदले २१ रन बनाए भने आयान खानले १६, नसीम खुशीले १५ र कलीमुल्लाहले १४ रन बनाएका थिए । ओमानका अन्य ब्याट्सम्यानले दोहोरो अंकमा रन बनाउन सकेनन् ।
ओमानलाई सस्तैमा रोक्ने क्रममा नेपाली बलर सन्दीप लामिछानेले ३ विकेट लिए भने कम सिंह ऐरी, आरिफ सेख, अबिनाश बोहोरा र सागर ढकालले एक एक विकेट लिएका थिए ।
