काठमाडौं । लियोनल मेस्सी कोरोना भाइरसबाट संक्रमित भएका छन् ।
फ्रेन्च फुटबल लिग–१ मा पेरिस सेन्ट जर्मेन (पीएसजी) क्लबबाट खेलिरहेका मेस्सीसहित क्लबका अन्य ३ खेलाडीलाई समेत संक्रमण देखिएको हो ।
मेस्सी बाहेक डिफेन्डर जुआन बर्नेट, ब्याकअप गोलकिपर सर्जियो रिको र मिडफिल्डर नाथन बिटुमाजालालाई संक्रमण भएको हो । चार खेलाडीलाई आइसोलेसनमा राखेर उपचार भइरहेको पिएसजीले जनाएको छ ।
