काठमाडौं । नेपाली राष्ट्रिय महिला क्रिकेट टोलीले कतारविरूद्धको तीन खेलको टी–२० सिरिज एक खेल अघि नै जितको छ ।
पहिलो खेलमा ११९ रनको पराकिलो जीत निकालेको टिमले बुधबार भएको दोस्रो खेलमा कतारलाई ६१ रनले पराजित गर्दै सिरिज जितेको हो । पहिलोपटक टि–२० सिरिज खेलेको नेपाली महिला टिमले पहिलो पटक टी–२० अन्तर्राष्ट्रिय सिरिज जितेको हो ।
नेपालले दिएको १३० रनको लक्ष्य पछ्याएको कतार १९ दशमलव ३ ओभरमा अलआउट भएको हो । बलिङमा नेपालकी सरस्वती चौधरीले सर्वाधिक ४ विकेट लिइन् भने कप्तान रुबिना क्षेत्रीले २ विकेट लिइन् ।
विश्वकप छनोटअघि नेपाली टिम सिरिज खेल्न कतार गएको हो । आगामी सोमबारदेखि यूएईमा सुरु हुने छनोटमा नेपालले घरेलु टोली युएई, भुटान, कुवेत, हङकङ र मलेसियासँग प्रतिस्पर्धा गर्नेछ । छनौट खेलबाट एक टिम मात्रै विश्वकप खेल्न पाउनेछ ।
