काठमाडौं । शिक्षा, विज्ञान तथा प्रविधि मन्त्री महावीर पुनले राजीनामा दिएका छन् । अर्थमन्त्री रामेश्वर खनालले सामाजिक सन्जालमार्फत पुनले राजीनामा दिएको जानकारी गराएका हुन् ।
खनालले फेसबुकमा लेखेका छन्, ‘महावीर पुनले आफ्नो अभियानमा लाग्न राजीनामा दिनुभयो !’
आइतबार मात्रै सञ्चारमन्त्री जगदीश खरेल र खेलकुदमन्त्री बब्लु गुप्ताले राजीनामा दिएका थिए । मन्त्री पुनले फागुन २१ को प्रतिनिधि सभाको निर्वाचनको उम्मेदवारी दर्ताकै दिन राजीनामा दिनुलाई अर्थपूर्ण रुपमा हेरिएको छ ।
