काठमाडौं । राष्ट्रियसभा गृहमा आयोजित नेकपा एकीकृत समाजवादी र एकता राष्ट्रिय अभियानबीच भएको एकता समारोहमा बोल्दै एकिकृत समाजावादी पार्टीका अध्यक्ष माधव कुमार नेपालले नेकपा एमालेसँग अहिले कुनै एकताको संभावना नरहेको बताएका छन् । नेकपा एमालेमा विभिन्न किसिमका गतिविधि बढिरहेको भन्दै अध्यक्ष नेपालले यस्तो बताएका हुन् । अध्यक्ष नेपालले एकिकृत समाजवादी पार्टीलाई सिध्याउन नेकपा एमाले लागि परेको भन्दै आक्रोष व्यक्त गरे ।
माधव नेपाल नेतृत्वको एकीकृत समाजवादी र बामदेव गौतम नेतृत्वको एकता राष्ट्रिय अभियानबीच भएको एकतापछि माधव नेपाल र वामदेव गौतमले अंगालो हालेका थिए। त्यस्तै झलनाथ खनालसँग पनि गौतमले अंकमाल गरेका थिए। पूर्वउपप्रधानमन्त्री वामदेव गौतमले आफू १०० वर्षको उमेरसम्म कम्युनिस्ट आन्दोलनमा सक्रिय रहने दृढ अठोट व्यक्त गरेका छन्।
