काठमाडौं। नेपाली कांग्रेसका सभापति शेरबहादुर देउवाले अविरल वर्षपछि देशका विभिन्न स्थानमा गएको पहिरोमा परी बेपत्ता भएका व्यक्तिहरुको जतिसक्दो चाडो उद्दार गर्न सरकारसँग माग गरेका छन ।
देउवाले सिन्धुपाल्चोकको जुगल गाउँपालिका–२ लिदी र कालिकोटको महाबै गाउँपालिका–३ मा गएको पहिरोमा परी बेपत्ता भएका व्यक्तिहरुको जतिसक्दो चाडो उद्दार गर्न सरकारसँग माग गरेका हुन । उनले पहिरोमा परी घाइते भएकाहरुको तत्काल उपचार गर्ने प्रवन्ध मिलाउन अनुरोध गरेका छन ।
पहिरोका कारण घरवास गुमाएकाहरुलाई तत्काल सुरक्षित क्षेत्रमा स्थानान्त्रण गरेर उचित वासको प्रवन्ध गर्न र आवस्यक क्षतिपुर्ति दिलाउन पनि सभापति देउवाले माग गरेका छन ।
देउवाले पहिरोमा परेर ज्यान गुमाएकाहरुप्रति हार्दिक श्रदाञ्जली तथा परिवारजनमा समवेदना व्यक्त गरेका छन ।
