संकल्पखबर । बुधबार बिहान सप्तरीको अग्रिसाइर कृष्णसवरण गाँउपालिका ४ विशाल चोकस्थित एकट्रकमा आगजनी भएको छ।
कुखुराको दाना बोकेर पूर्वतर्फ गइरहेको ना ५ख १९११ नं को ट्रकमा आगजनी भएको प्रहरीले बताएको छ।
कसले र किन ट्रकमा आगजनी गरेको भन्ने विषयमा अहिलेसम्म खुल्न नसकेको जिल्ला प्रहरी कार्यालयका प्रहरी नायब उपरीक्षक माधवप्रसाद काफ्लेले जानकारी दिए ।
अज्ञात समूहद्वारा आगजनी गरिएको हुनसक्ने प्रहरी उपरीक्षक काफ्लेले बताए । ट्रक भने पूर्णरूपमा जलेको छ।
यसैबीच आगो लागेको ट्रकलाई स्थानीय प्रहरी चौकीबाट गएको प्रहरी टोली र कञ्चनरुप नगरपालिकाबाट आएको बरुणयन्त्रले निभाएको प्रहरी नायब उपरीक्षक काफ्लेले जानकारी दिए ।
