काठमाडौं । काठमाडौं विश्वविद्यालयका संस्थापक उपकुलपति प्रा.डा. सुरेशराज शर्माको निधन भएको छ । उनको ८६ वर्षको उमेरमा बुधबार साँझ काठमाडौंको धुम्बाराहीस्थित ह्याम्स अस्पतालमा उपचारका क्रममा निधन भएको हो ।
स्वास्थ्यमा समस्या देखिएपछि शर्मालाई केही दिनअघि ह्याम्स अस्पतालमा भर्ना गरिएको थियो । संस्थापक उपकुलपति रहेका शर्माले विश्वविद्यालयको ६ कार्यकाल नेतृत्व गरेका थिए ।
उनी प्राविधिक शिक्षा तथा व्यावसायिक तालिम परिषद् (सीटीईभीटी) का पहिलो कार्यकारी निर्देशक समेत हुन्।
