काठमाडौं । राष्ट्रिय प्रजातन्त्र पार्टीका उपाध्यक्ष रविन्द्र मिश्रलाई बन्दी प्रत्यक्षीकरणको सुनुवाइका लागि सर्वोच्च अदालतमा उपस्थित गराइएको छ । सर्वोच्चका आदेश अनुसार आज उनलाई उपस्थित गराइएको हो ।
मिश्रलाई काठमाडौं प्रहरी परिसरबाट हत्कडी लगाएर न्यायाधिवक्ताको कार्यालय पुर्याइएको थियो । त्यहाँबाट सर्वोच्च अदालत लैजादा हत्कडी खोलियो ।
न्यायाधीवक्ताको कार्यालयको पछाडिको गेटबाट निकालेर भित्री बाटोबाट उनलाई सर्वोच्च पुर्याइएको थियो । सर्वोच्चको गेटमा छिराउनुअघि हत्कडी फुकालिएको हो ।
