काठमाडौँ । न्यूजील्याण्डले विश्वकपमा ईङल्याण्डलाई ९ विकेटले पराजित गर्दै शानदार शुरुवात गरेको छ । आइसीसी विश्वकपल्को पहिलो खेलमा न्यूजील्याण्डले ईङल्याण्डलाई ९ विकेटले पराजित गरेको छ ।
ईङल्याण्डले दिएको २८३ रनको लक्ष्य पछाएको न्यूजील्याण्डले ३६.२ ओभरमा एक विकेट गुमाएर लक्ष्य पुरा गरेको हो ।
न्यूजील्याण्डका लागि डेभोन कोनवेले अविजित १५२ रन बनाए भने रचिन रविन्द्रले अविजित १२३ रन बनाएका थिए । कोनवे र रविन्द्रले दोस्रो विकेटका लागि २७३ रनको साझेदारी गरेका थिए ।
यसअघि ईङल्याण्डले टस हारेर पहिला ब्याटिंग गर्दै ५० ओभरमा ९ विकेट गुमाएर २८२ रन बनाएको थियो ।
यो जितसहित न्यूजील्याण्डले विश्वकपमा शानदार शुरुवात गरेको छ र महत्वपूर्ण २ अंक हासिल गरेको छ । योसँगै २०१९ को विश्वकपको फाइनलमा ईङल्याण्डसँग भएको हारको बदला समेत लिएको छ ।
