काठमाडौं । १९औ एशियन गेम्सअन्तर्गत महिला फुटबलमा नेपालले बंगलादेशसँग बराबरी खेलेको छ ।
समुह चरणको विहिबार सम्पन्न अन्तिम खेलमा नेपाल र बंगलादेश १-१ गोलको बराबरी खेलेका हुन् ।
खेलमा बंगलादेशका लागि सबिना खातुनले गोल गरेकी थिइन् भने नेपालका लागि रेखा पौडेलले बराबरी गोल गरेकी थिइन् ।
एशियन गेम्समा यस अघि नेपाल भियतनामसँग २-० ले र जापानसँग ८-० ले हार बेहोरेको थियो ।
योसँगै नेपाली महिला फुटबल टिमको एशियन गेम्सको यात्रा समुह चरणबाटै सकिएको छ ।
