काठमाडौँ । इन्टर मियामी युएस ओपन कपको फाइनलमा पराजित भएको छ ।
लियोनेल मेसी बिना खेलेको इन्टर मियामी फाइनलमा हस्टन डाइनामोसँग २-१ गोल अन्तरले पराजित भएको हो ।
हस्टन डाइनामोक लागि ग्रीफिन डोर्सी र अमिने बासीले एक एक गोल गरेका थिए भने इन्टर मियामीका लागि एक गोल जोसेफ मार्टिनेजले गरेका थिए ।
यो सँगै हस्टन डाइनामोले दोस्रो पटक युएस ओपन कपको उपाधि जितेको छ ।
फाइनल खेलमा मेसी इन्जुरीका कारण टिममा थिएनन् भने जोर्डी अल्बा पनि यो खेल खेलेका थिएनन् ।
