काठमाडौँ । भारत यू-१९ साफ च्याम्पियनसिपको फाइनलमा पुगेको छ ।
दशरथ रंगशालामा बुधबार सम्पन्न दोस्रो सेमिफाइनलमा पेनाल्टी सुटआउटमा नेपाललाई ३-२ ले पराजित गर्दै भारत फाइनलमा पुगेको हो ।
यसअघि निर्धारित ९० मिनेटको खेलमा १-१ गोलको बराबरीमा खेल सकिएपछि खेलको निर्णय पेनाल्टीबाट गरिएको थियो ।
नेपालका लागि समीर तामाङले खेलको ७४औं मिनेटमा गोल गर्दै नेपाललाई खेलमा फर्काएका थिए ।
अब भारतले फाइनलमा आगामी शनिबार पाकिस्तानको सामना गर्ने छ ।
