काठमाडौँ । स्पेनिस ला लिगा अन्तर्गत रियल म्याड्रिड भलेन्सियासँग पराजित भएको छ ।
गएराती सम्पन्न खेलमा भलेन्सियाले रियल म्याड्रिडलाई १-० गोल अन्तरले पराजित गरेको हो ।
भलेन्सियाको जितमा खेलको ३३औं मिनेटमा डिएगो लोपेजले गरेको गोलनै खेलको निर्णायक गोल बनेको थियो ।
यस खेलमा रियल म्याड्रिडका भिनिसियस जुनियरले खेलको ९७औं मिनेटमा रातो कार्ड पाएका थिए ।
यो हारपछि रियल म्याड्रिडको ३५ खेलमा ७१ अंक रहेको छ र लिगमा तेस्रो स्थानमा छ ।
त्यस्तै यो जितपछि भलेन्सियाको ३५ खेलमा ४० अंक भएको छ र लिगमा १३औं स्थानमा उक्लिएको छ ।
