काठमाडौँ । युएईमा जारी आईसीसी यु–१९ पुरुष विश्वकपको एशिया छनोट प्रतियोगिता अन्तर्गत अहिले जारी खेलमा मलेसियाले नेपाललाई ७३ रनको लक्ष्य दिएको छ ।
टस जितेर पहिला ब्याटिंग गरेको मलेसिया ३५.३ ओभरमा अल आउट हुदै ७२ रन मात्र बनाएको हो ।
मलेसियाका लागि मुहमद अक्रमले सर्बाधिक २६ रन बनाए भने मोहमद हैरिल र मुहमद सियाहीरले १२-१२ रन बनाएका थिए । त्यसबाहेक मलेसियाका अन्य ब्याट्सम्यान;ले दोहोरो अंकमा रन बनाउन सकेनन् ।
मलेसियालाई सस्तैमा समेट्ने क्रममा दिपेस कँडेलले सर्बाधिक ४ विकेट लिए भने आकश चन्दले ३, मिलन बोहोराले २ र सुबास भण्डारीले एक विकेट लिएका थिए ।
७३ रनको लक्ष्य पाएको नेपालले अब केहीबेरमा जवाफी ब्याटिंग गर्दै छ ।
