काठमाडौं । नेपाल क्रिकेट संघले क्रिकेटर सन्दीप लामिछानेको निलम्बन फिर्ता गर्ने तयारी गरेको छ ।
मंगलबार पोखरामा बस्ने क्यानको बोर्ड बैठकमा लामिछानेको निलम्बन फिर्ता गर्ने विषयमा छलफल हुनेछ ।
त्यसबाहेक विवादित बनेको नेपाल टी–२० लिगबारे समेत छलफल हुने बताइएको छ । क्यानका ४० प्रतिशत केन्द्रीय सदस्यहरुले क्यान कार्यसमितिका पदाधिकारीको राजीनामा माग गरेको सन्दर्भमा बस्न लागेको बैठक अर्थपुर्ण छ ।
बैठकका एजेण्डा सार्वजनिक नभएपनि नेपालमा प्रस्तावित एसियन प्रिमियर कपबारे पनि छलफल हुने जनाइएको छ ।
