काठमाडौँ । नेपालमा पछिल्लो २४ घण्टामा थप ८२ जनामा कोरोना भाइरसको सङ्क्रमण पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार आज (बुधबार) थप ८२ जनामा सङ्क्रमण पुष्टि भएको हो ।
६ हजार १७५ जनाको कोरोना परीक्षण गर्दा सो सङ्ख्यामा सङ्क्रमित थपिएका हुन् ।
४ हजार ७९० जनाको पिसिआर गर्दा ४१ र १ हजार ३८५ जनाको एन्टिजेन परीक्षण गर्दा ४१ जनामा सङ्क्रमण पुष्टि भएको हो ।
योसँगै देशभर ४ हजार ५७४ जना सक्रिय सङ्क्रमित छन् ।
२१३ जना सङ्क्रमित निको समेत भएका छन्। यसको सङ्क्रमणबाट पछिल्लो २४ घण्टामा मृत्यु हुनेको सङ्ख्या शून्य छ ।
