काठमाडौँ । नेकपा एकीकृत समाजवादीका नेता विरोध खतिवडाले स्वास्थ्य मन्त्रालयको जिम्मेवारी पाएका छन् ।
मकवानपुरबाट निर्वाचित खतिवडा एकीकृत समाजवादीबाट मन्त्री हुनेमध्ये सबैभन्दा पुराना नेता हुन् । तत्कालिन एमालेबाट ४ पटक सांसद निर्वाचित भएका खतिवडा पहिलो पटक मन्त्री बनेका हुन् । खतिवडा एमाले बिभाजनमा माधवकुमार नेपाललाई साथ दिने कम नेता मध्ये एक थिए ।
उनी मकवानपुरबाट लगातार २०४८, ०५१, ०५६ र ०७४ गरी चार पटक सांसदमा निर्वाचित भएका थिए ।
