काठमाडौँ । संघीय संसदको नवौँ अधिवेशन अन्तर्गत आज बसेको प्रतिनिधि सभाको बैठक पनि स्थगित भएको छ ।
प्रमुख प्रतिपक्षी दल नेकपा एमालेले अवरोध सृजना गरेपछि सभामुख अग्निप्रसाद सापकोटाले भदौ २९ गते दिउँसो १ बजे बस्नेगरी बैठक स्थगित भएको जानकारी दिएका हुन् ।
आज बसेको पहिलो र दोस्रो दुवै बैठकमा एमाले सांसदहरूले प्रतिनिधिसभाको रोस्ट्रम घेराउ गर्दै नाराबाजी गरेपछि बैठक स्थगित गरिएको हो ।
एमालेले कारवाही गरेका माधवकुमार नेपालसहितका १४ सांसदलाई सभामुखले कारवाही नगर्नुको कारण माग गर्दै एमालेले संसद बैठक अवरूद्ध गर्दै आएको छ ।
