मनकामना । कोभिड १९ संक्रमण प्रभावका कारण गत चैतदेखि नै बन्द रहेको मनकामना माइको मन्दिर र मनकामना केवलकार झन्डै ९ महिनापछि खुल्ने भएको छ ।
सरोकारवाला निकायहरुबीच आज बसेको बैठकले यही मंसिर २८ गतेदेखि मनकामना माइको मन्दिर र मनकामना केवलकार खुलाउने निर्णय गरेको हो ।
विगत ९ महिनादेखि सर्वसाधारणका लागि पूजा गर्न बन्द गरेको मनकामना मन्दिर खुलाउनका लागि मनकामना क्षेत्र विकास समितिको नेतृत्वमा स्थानीय संघसंस्थाका प्रतिनिधिसहित आज मनकामनामा बैठक बसेको थियो ।
