काठमाडौं । नेपालमा थप १६६९ जनामा कोरोना पुष्टि भएको छ । स्वास्थ्य मन्त्रालयले पछिल्लो २४ घण्टामा देशभर कुल १६६९ जना संक्रमित थपिएको जानकारी दिएको छ ।
स्वास्थ्य तथा जनसंख्या मन्त्रालयका अनुसार देशभरका प्रयोगशालामा ८०३२ जनाको गरिएको नमूना पीसीआर परीक्षणमा १६६९ जनामा संक्रमण पुष्टि भएको हो ।
मन्त्रालयका अनुसार पछिल्लो २४ घण्टामा १६ जनाको मृत्यु भएको छ । अहिलेसम्म मृत्यु हुने १३२१ जना छन् ।नेपालमा अहिले कोरोना संक्रमणबाट मृत्यु हुनेको प्रतिशत ०.६० रहेको मन्त्रालयले जानकारी दिएको छ ।
कोरोना संक्रमणबाट गत २४ घण्टामा ५६९९ जना संक्रमणमुक्त भएका छन् । नेपालमा निको हुने ९०.३ प्रतिशत रहेको छ ।
अहिले कोरोना सक्रमितमध्ये आइसोलेसनमा १९९६३ र क्वारेन्टाइनमा ६८६ जना बसेका छन् ।यससँगै कुल संक्रमितको संख्या दुई लाख २० हजार ३०८ पुगेको छ ।
उपत्यकामा ९५७ जना संक्रमित
मन्त्रालयका अनुसार काठमाडौं उपत्यकामा मात्रै गत २४ घण्टामा ९५७ जना संक्रमित भएका छन् । काठमाडौंमा ७७३, भक्तपुर ५३ र ललितपुर १३१ जनामा संक्रमण पुष्टि भएको हो ।
