काठमाडौं । ललितपुरमा जारी शहिद स्मारक ‘बी डिभिजन लिग’ फुटबलमा बाँसबारी क्लब विजयी भएको छ ।
ललितपुरको सातदोबाटोस्थित एन्फा खेल मैदानमा भएको खेलमा बाँसबारीले सामाजिक युथ क्लबलाई १–० गोल अन्तरले पराजित गरेको हो ।
पहिलो हाफ गोलरहित बराबरीमा रोकिएको भएपनि खेलको दोस्रो हाफमा भने बाँसबारीका लागि सौरभ कार्कीले ८९ औं मिनटमा निर्णायक गोल गरेका हुन् ।
जितसँगै बाँसबारीले जारी लिगमा १० खेलबाट १६ अंक जोड्दै दोश्रो स्थानमा उक्लिदा सामाजिक युथ क्लब भने ११ खेलबाट १० अंकसहित तालिकको १२ औं स्थानमा रहेको छ ।
१४ टिम सहभागी लिगको समाप्तिपछि शिर्ष स्थानमा रहने दुई टोली ए डिभिजन लिगमा बढुवा हुनेछन् भने पुछारका दुई टोली रेलिगेशनमा पर्नेछन् ।
