काठमाडौं । नेपाली कांग्रेस सभापति शेरबहादुर देउवाले जेनजीका जायज मागलाईज्ञ सम्बोधन गरिनुपर्ने बताएका छन्। मंगलबार सानेपास्थित पार्टी कार्यालयमा सम्बोधनका क्रममा सभापति देउवाले जेनजीले देशमा सुशासन र भ्रष्टाचारमुक्त वातावरण सुनिश्चित हुनुपर्छ भन्ने जायज मागलाई सम्बोधन गरिनुपर्ने धारणा राखेका हुन्। उनले भने,’ उहाँहरूको मुलुकप्रतिको चासो र चिन्ताको सम्बोधन गर्नैपर्छ। यस विषयमा पनि बैठकमा छलफल हुनेछ।’
सभापति देउवाले नेपाली जनताको आशस्थाको केन्द्र र सबैभन्दा ठूलो र मियो पार्टीका रुपमा नेपाली कांग्रेस रहँदै आएको बताए।
देशको राष्ट्रिय र लोकतन्त्रका निमित्त नेपाली कांग्रेस कहिल्यै कसैसँग कुनै सम्झौता नगर्ने बताउँदै उनले जुनसुकै कालखण्डमा पनि देशमा उत्पन्न विषम परिस्थितिलाई ठिक ढंगले पहिचान गर्ने र मुलुकलाई जटिलताबाट सहजतातर्फ पुर्याउने नेपाली कांग्रेसको विशेषता रहेको जिकिर गरे।
