संकल्पखबर । नेकप एकीकृत समाजवादी पार्टीका अध्यक्ष माधवकुमार नेपालले राष्ट्रियसभा निवार्चनको परिणामले गठबन्धनमा उत्साह थपेको बताएका छन् ।
बिहीबार पार्टी केन्द्रीय आलोकनगरमा आयोजित पार्टी प्रवेश कार्यक्रमलाई सम्बोधन गर्दै अध्यक्ष नेपालले आगामी निर्वाचनमा पनि गठबन्धन कायम रहने बताएका हुन् ।
साथै राष्ट्रिसभा सदस्यको निर्वाचनको परिणाम पार्टीका लागि सुखद संक्रेत भएको उनले बताए ।
पार्टी प्रवेश कार्यक्रममा उनले एमाले ललितपुर जिल्ला कमिटीका पूर्व उपाध्यक्ष एवम् बागमती प्रदेश कमिटीका सदस्य श्यामकृष्ण सिलवालसहितका नेता कार्यकर्तालाई स्वागत गरेका छन् ।
बुधबार भएको राष्ट्रियसभा निर्वाचनमा १९ सिटमध्ये १८ सिटमा गठबन्धनले विजयी हासिल गरेको छ ।
राष्ट्रिय सभाको निर्वाचनमा गठबन्धनका उम्मेदवारको जीतसँग राष्ट्रिय सभामा गठबन्धनको दुई तिहाई पुगेको छ ।
