काठमाडौं । नेपालमा थप २४ जनामा कोरोना भाइरसको नयाँ भेरिएन्ट ओमिक्रोन संक्रमण पुष्टि भएको छ । स्वास्थ्य मन्त्रालयका अनुसार पुस महिनामा संकलित ११४६ नमुनामध्ये २४ वटामा संक्रमण पुष्टि भएको हो ।
‘पौष महिनामा संकलित जम्मा ११४६ पोजेटिभ नमुनाहरुको एस जिन स्क्रिनिङ गर्दा २५० वटा नमुनाहरु एस जिन नेगेटिभ आएको थियो । एस जिन नेगेटिभ पत्ता लागेको २४ स्याम्पलहरुको जिन सिक्वेन्सिङ गर्दा सबै नमुनाहरुमा ओमिक्रोन भेरियन्ट पुष्टि भएको हो ।’ मन्त्रालयले शुक्रबार विज्ञप्ति जारी गर्दै भनेको छ ।
यसअघि नेपालमा ओमिक्रोनका तीनवटा संक्रमण पुष्टि भएको थियो ।
