गाजाको नागरिक रक्षा मन्त्रालयले शुक्रबार इजरायली आक्रमणमा कम्तिमा पाँच जनाको मृत्यु भएको बताएको छ ।
इजरायल र हमासले सम्झौता उल्लङ्घन गरेको आरोप लगाउँदै गत महिना दोस्रो चरणमा प्रवेश गरेको अमेरिकी मध्यस्थताको युद्धविरामको बावजुद प्यालेस्टिनी क्षेत्रमा हिंसा जारी छ ।
हमास अधिकारीहरूलगायत उद्धार बलको रूपमा काम गर्ने नागरिक सुरक्षा एजेन्सीले एएफपीलाई मध्य गाजामा शुक्रबार भएको हवाई आक्रमणमा कम्तीमा दुई जनाको मृत्यु भएको र एक जना गम्भीर घाइते भएको बताएको छ ।
मध्यरातको समयमा गाजा पट्टीको दक्षिणमा भएको ड्रोन आक्रमणमा तीन जनाको मृत्यु हुनुका साथै धेरै जना घाइते भएको एजेन्सीले जनाएको छ ।
अक्टोबर– १० देखि लागु भएको युद्धविरामका सर्तहरू अन्तर्गत, इजरायली सेनाहरू निर्धारित स्थानहरूबाट फर्किए पनि आधा भन्दा बढी क्षेत्र नियन्त्रणमा अझै पनि नियन्त्रणमा रहेको जनाइएको छ ।
हमासद्वारा सञ्चालित गाजाको स्वास्थ्य मन्त्रालयले युद्धविराम सुरु भए पछि यस क्षेत्रमा निरन्तर आक्रमण जारी रहदा कम्तीमा ६०१ जनाको मृत्यु भएको बताएको छ ।
यसै विच इजरायली सेनाले यो अवधिमा भएका आक्राणमा कम्तीमा चार जना सैनिक मारिएको बताएको छ ।
गाजामा मिडिया प्रतिबन्ध र सीमित पहुँचले स्वतन्त्र रूपमा मृतकको सङ्ख्या प्रमाणित गर्न वा स्वतन्त्र रूपमा वास्तविक समाचार सम्पे्रसण गर्नबाट रोकेको एएफपिले जनाइएको छ ।
