काठमाडौं । नेपाली कम्युनिस्ट पार्टीले एकताको सन्देश दिन सातै प्रदेशमा सन्देश सभा आयोजना गर्ने भएको छ ।
आइतबार पेरिसडाँडामा बसेको पार्टीका पूर्वपदाधिकारीहरूको बैठकले सातै प्रदेशमा सन्देश सभा गर्ने आयोजना गर्ने निर्णय गरेको हो ।
बैठकमा सन्देशसभा आयोजना गर्ने विषयमा छलफल भएको तर मिति भने तय नभएको नेता राजेन्द्रप्रसाद पाण्डेले जानकारी दिए ।
उनले भोलिसम्म मिति तय गरिने बताए । त्यसैगरी बैठकले पार्टी एकताबारे विशेष अन्तर पार्टी निर्देशन (अपानि)जारी गर्ने निर्णय गरेको छ । विशेष अपानि जारी गरेर पार्टीलाई एकढिक्का बनाउने कुराकानी भएको नेता झलनाथ खनालले जानकारी दिए ।
खनालले पार्टी एकताका लागि नेता घनश्याम भुसाललगायत अन्य दल र समूहसँग पनि छलफल भइरहेको बताए ।
