काठमाडौँ । विश्वकप क्रिकेट अघि भएको अभ्यास खेलमा न्यूजील्याण्डले पाकिस्तानलाई ५ विकेटले पराजित गरेको छ ।
शुक्रबार राति सम्पन्न खेलमा पाकिस्तानले दिएको ३४६ रनको लक्ष्य पछाएको न्यूजील्याण्डले ४३.४ ओभरमा ५ विकेट गुमाउदै लक्ष्य पुरा गरेको थियो ।
न्यूजील्याण्डको जितमा राचीन रविन्द्रले सर्बाधिक ९७ रन बनाए भने मार्क चापम्यानले अविजित ६५, डार्यल मिचेलले ५९, केन विलियम्सनले ५४ र जेम्स निशामले अविजित ३३ रन बनाएका थिए ।
यसअघि पहिला ब्याटिंग गरेको पाकिस्तानले ५० ओभरमा ५ विकेट गुमाएर ३४५ रन बनाएको थियो । पाकिस्तानका लागि मोहमद रिजवानले १०३ रन बनाएका थिए भने कप्तान बाबर आजमले ८०, साउद शकीलले ७५ रन बनाएका थिए ।
