काठमाडौँ । युइएफए च्याम्पियन्स लिगमा बायर्न म्युनिखले म्यानचेस्टर युनाइटेडलाई पराजित गर्दै विजयी शुरुवात गरेको छ ।
समुह ए अन्तर्गतको खेलमा बायर्नले म्यानचेस्टर युनाइटेडलाई ४-३ गोल अन्तरले पराजित गर्दै यस सिजनमा विजयी शुरुवात गरेको हो ।
बायर्नको जितमा लिरोय साने, सेर्गे ग्नाबेरी, ह्यारी केन र माथिस टेलले एक एक गोल गरेका थिए ।
त्यसैगरी म्यानचेस्टर युनाइटेडका लागि क्यासेमिरोले २ गोल तथा रासमस होजलण्डले एक गोल गरेका थिए । युनाइटेडका लागि खेलको ८८औ र ९५औ मिनेटमा क्यासेमिरोले गोल गर्दै खेलमा फर्किने प्रयास गरेपनि पर्याप्त भएन ।
यो जितपछि बायर्न म्युनिखले समुह ए मा महात्वपूर्ण ३ अंक हासिल गरेको छ ।
त्यस्तै यसै समुहमा रहेका कोपनहेगन र गालाटासारेबीचको खेल भने २-२ गोलको बराबरीमा रोकिएपछि एक एक अंक बाँडेका छन् ।
