एजेन्सी । रुसको आक्रमणका बाबजुद अमेरिकाले युक्रेनमा लडाकु विमान नपठाउने कारण दिएको छ ।
अमेरिकी रक्षा मन्त्रालयका प्रवक्ता जोन किर्बीले आफ्नो देशले युक्रेनमा लडाकु विमान पठाएमा रुसी राष्ट्रपति भ्लादिमिर पुटिनले यसलाई युद्ध चर्काउने सङ्केत मानेको हुनसक्ने बताएका छन् ।
जोन किर्बीले भने, ‘यदि अमेरिकाले युक्रेनमा लडाकु विमानहरू पठायो भने रूसी राष्ट्रपति भ्लादिमिर पुटिनले यो युद्धलाई बढाउने हो भनेर गलत बुझेका हुन सक्छन्।’
‘हामी सबैलाई थाहा छ यो युद्ध पहिले नै खराब अवस्थामा छ। यस्तो अवस्थामा यसलाई बढाएर दुई आणविक हतियार हतियार भएका देशहरू (अमेरिका र रुस)बीचको द्वन्द्व बढ्न सक्छ। यो रुस र अमेरिका दुवैका लागि राम्रो हुँदैन र युक्रेनका लागि पनि ।’
‘स्पष्ट रूपमा अब हिंसा कम भएको छ र रुसी सेनाले युक्रेनको पूर्वी भागहरूमा आफ्नो जोर बढाउँदैछ। हामी सबैलाई थाहा छ, युक्रेन र रुस विगत आठ वर्षदेखि यस क्षेत्रमा लडिरहेका छन्। यदि रूसी राष्ट्रपति भ्लादिमिर पुटिन र युक्रेनी राष्ट्रपति जेलेन्स्कीबीच वार्ता भएर कूटनीतिक माध्यमबाट समस्या समाधान गरेपछि युद्ध रोकिनेछ’ किर्बीले भने ।
